Të shtëna me armë zjarri janë regjistruar pak minuta më parë në Shkodër.
Sipas informacioneve paraprake mësohet se ngjarja ka ndodhur në zonën e Fermentimit, ndërsa kanë mbetur të plagosur dy pesona, Ndue Pali dhe Edison Gjeka, të cilët janë janë dërguar në spital dhe ndodhen jashë rrezikut për jetën.
Burimet policore bëjnë me dije se autorët kanë qëlluar me armë e më pas janë larguar me një makinë “Audi” në ngjyrë të zezë. Në ndjekje të tyre është vënë policia, e cila ka rrethuar zonën, ndërsa në ndihmë të forcave të rendit është vënë edhe FNSH.
Ndërkohë policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
Njoftimi i policisë
Shkodër/Informacion paraprak
Në lagjen Skënderbeg, Shkodër, në afërsi të ish-Fermentimit të duhanit, rreth orës 20:10, në rrethana ende të paqarta janë plagosur në këmbë me armë zjarri shtetasit E. Gj., 24 vjeç dhe N. P., 24 vjeç, të cilët janë transportuar në Spital ku ndodhen jashtë rrezikut për jetën.
Në vendngjarje kanë mbërritur shërbimet policore të DVP Shkodër dhe FNSH.
Është rrethuar në një perimtër të gjerë zona ku ka ndodhur ngjarja dhe vijon krehja e saj nga shërbimet e Policisë Shkodër dhe të FNSH-së.
Janë ngritur pika kontrolli në hyrje-dalje dhe vijojnë kontrollet në të gjithë zonën.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorëve.
