Të shtënat me armë zjarri kanë qenë kryefjala e ditës së sotme në Shqipëri teksa një tjetër rast është raportuar në Kombinat. Ngjarja ka ndodhur rreth orës 15:00 tek rruga”Shaban Bardhoshi”.
Mësohet se autori i ngjarjes, shtetasi me iniciale R.G ka tentuar të vrasë Artur Koreshin, ndërsa ka tentuar të terrorizojë gjithë zonën gjatë pasdites. Dyshohet se autori ka qëlluar në ajër dhe nuk ka shkaktuar dëme. Ngjarja ka ndodhur pas një sherri të Korteshit me vëllanë e autorit. Ky i fundit pasi ka marrë vesh konfliktin ka shkuar me armë zjarri e ka qëlluar në ajër duke shkaktuar terror në zonë, fatmirësisht pa shkaktuar të lënduar. Ndërkohë, policia ka identifikuar autorin dhe po punon për arrestimin e tij.
Ngjarja vjen pas të shtënave me armë në Shkodër, ku u plagosën dy vëllezërit Marjan dhe Hot Doçi. Më herët në Durërs një tjetër atentat tronditi vendin, ku u ekzekutua me breshëri plumbash Edmond Çekiçi, pjesë e bandës së Lul Berishës.
NJOFTIMI I PLOTË:
Tiranë
Specialistët për Hetimin e Krimit në Komisariatin e Policisë Nr.6 referuan materialet në Prokurorinë pranë Gjykatës së Shkallës së Parë Tiranë dhe punohet për kapjen dhe shoqërimin e shtetasit R. G., 25 vjeç, pasi dyshohet se me datë 20.03.2021, rreth orës 15:10, në Kombinat, në rrugën “Shaban Bardhoshi”, dyshohet se ka qëlluar me armë zjarri në ajër në afërsi të një banese dhe më pas është larguar me shpejtësi me një mjet. Punohet për kapjen dhe shoqerimin e këtij shtetasi.
