Kryeministri i Shqipërisë, Edi Rama, ësht në Shijak, nga ku bëri me dije se kanë përfunduar të gjitha banesat individuale të dëmtuara nga tërmeti. Sipas kreut të qeverisë, 567 familje janë kthyer në shtëpinë e re.
Në takimin e Edi Ramës me familjet që morën shtëpinë e re, nuk munguan as përshëndetjet me grusht, as urimet “të na rroni sa malet”, apo “t’u bëftë dita një mijë”.
Bashkëbisedimi i Ramës me disa nga banorët:
Banori: Të na rroni sa malet.
Rama: Sa malet jo, se edhe kaq sa jemi mezi po rrimë në këmbë.
Banorja: Zoti ta bëftë ditën një mijë themi ne. Ose dy mijë! Rrofsh e qofsh o Zot gjithë jetën, për veten edhe për popullin tonë!
Rama: Shumë mirë ka dalë ë?! (shtëpia)
Banori: Po bereqaves, shumë mirë!
Banori: Të lumshin këmbët! Faleminderit shumë!
Rama: Gëzuar me shëndet, bëhu i fortë edhe me jetë të gjatë. Edhe t’i kesh me jetë këta se do bëhesh stërgjysh shpejt me sa kuptoj unë.
Banori: Falënderoj shokët e bashkisë, shokët e komunës, e të gjithë hesapi që mua për vete si invalid mu ka gjend pranë gjithmonë.
Rama: Kanë bërë detyrën, mos u lodh me falënderime. Të jesh mirë!
Banori: Të rujt Zoti, faqebardhë me partinë.
https://www.facebook.com/edirama.al/videos/145613587466664
