Në Presidencën e Republikës sonë u zhvilllua sot Ceremonia e Betimit të anëtarëve të rinj të Këshillit të Ministrave, të cilët u miratuan me votë një ditë më parë nga Kuvendi i Shqipërisë.
Të propozuar nga kryeministri Rama, Adea Pirdeni, Ministre e Shtetit për Administratën Publike dhe Antikorrupsionin, Blendi Gonxhja, Ministër i Ekonomisë, Kulturës dhe Inovacionit dhe Ervin Mete, Ministër i Financave, u betuan përpara Presidentit të Republikës pas leximit të formulës së posaçme.
Ishte Ppesidenti i Republikës, Bajram Begaj, ai që u dorëzoi ministrave dekretin përkatës të emërimit duke i uruar suksese në detyrën e tyre.
