Burra të armatosur vranë të paktën 22 civilë në Niger-jugperëndimore të Dielën, thanë tre burime për Reuters më pak se një javë pasi sulmuesit e paidentifikuar vranë 58 fshatarë në rajonin e afërt të Tillabery.
Sulmuesit bastisën tre fshatra në rajonin Tahoua, i cili kufizohet me Malin. Sipas merdiave të huaja luftëtarët e Shtetit Islamik ishin përgjegjës, ndërsa dy burime lokale nuk thanë kush qëndron pas tij. Filiali lokal i Shtetit Islamik është aktiv në zonë dhe është fajësuar për sulmet e mëparshme që vranë dhjetëra civilë dhe ushtarë.
Dhuna është pjesë e një krize më të gjerë sigurie në të gjithë rajonin Sahel të Afrikës Perëndimore, e cila ushqehet gjithashtu nga militantë të lidhur me al Kaedën dhe milicitë etnike. Alfouzazi Issintag, kryetar i Tillia, komuna rurale të cilës i përkasin fshatrat, konfirmoi për Reuters se kishte pasur “shumë vdekje”, por nuk tregoi sa.
Të hënën e kaluar, burra të armatosur vranë të paktën 58 civilë në rajonin Tillabery kur përgjuan një autokolonë që kthehej nga një treg javor dhe sulmuan një fshat aty pranë. Militantët e dyshuar vranë gjithashtu të paktën 100 civilë në 2 janar në bastisjet në dy fshatra në Tillabery, një nga episodet më vdekjeprurëse në historinë e fundit të vendit.
