Debatet e ashpra kanë shoqëruar mbledhjen e Këshillit të Sigurimit të OKB-së, ku u raportua për Kosovën.Vjosa Osmani dhe ministrit të Jashtëm serb, Nikola Selakoviç.
Gjatë fjalës së saj, presidentja Vjosa Osmani i ka kërkuar ministrit të jashtëm serb, Nikola Selakoviç, që të gjunjëzohet para monumenteve të viktimave të luftës në Kosovë dhe të kërkojë falje për gjenocidin e kryer në Kosovë nga Serbia. Osmani përmendi në mënyrë të përsëritur 54 viktimat e masakrës së Poklekut dhe i kërkoi ministrit që të gjunjëzohet para pllakës përkujtimore.
“Ju ftoj të gjunjëzoheni aty, se këtë e bënë qenia njerëzore, kur nuk bëhet drejtësi”, tha Osmani.
Por ministri serb e ktheu të gjithën në një provokim e iu drejtua Osmanit duke i thënë se duhet të ngrihet në këmbë kur flet për Vuçiç, pasi është edhe president ii saj.
“Zonja Osmani duhet të qëndroni në këmbë kur të përmendi Aleksandar Vuçiç, sepse është edhe presidenti i juaj dhe duhet t’i kushtoni respekt presidentit tuaj”, ka thënë shprehur Selakoviç.
Ai shkoi më tej duke e quajtur ish-presidentin e Kosovës, Hashim Thaçi, si “Kasap i Ballkanit”. Selakoviç madje akuzoi Kosovën edhe për numrin e viktima të dhunës seksuale gjatë luftës në Kosovë., duke thënë se “bazuar në raportin e dhënë këtu tek Këshilli i Sigurimit të OKB-së, nga sekretari i përgjithshëm në misionin e UNMIK i prezantuar më 5 prill 2021, statusi i grave të dhunuar është konfirmuar jo tek 20 mijë gra por 920 raste”, ndryshe nga ç’thotë Kosova. ka thënë ai.
Presidentja e Kosovës i është përgjigjur me mjaft qetësi dhe i ka thënë se ballafaqimi me realitetin do të ishte më mirë për qytetarët e Serbisë.
“Z.Selakoviç, unë jam qytetarë krenare e Republikës së pavarur e sovrane të Kosovës. Është më mirë që ju të ballafaqoheni me këtë realitet dhe do të jetë edhe mirë për qytetarët e Serbisë”, tha Osmani.
“Populli juaj ka vuajtur shumë nga ju, jo vetëm ne por edhe ata. Pajtohem se është një tragjedi pas secilit të zhvendosur sepse kam qenë vet e tillë, jo vetëm unë por mbi 80 për qind e popullit tim janë detyruar të ikin nga regjimi i Millosheviçit”, tha Osmani.
Ajo vuri në dukje se serbët e Kosovës janë të frikësuar nga strukturat paralele të Serbisë në Kosovë dhe bandat e përkrahura nga Vuçiç.
“Në bazë të raporteve ndërkombëtare, nga 2017 deri në 2020 përqindja e krimeve të motivuara etnikisht nuk është 3 për qind, por ëshë 0.03 për qind. Serbët në Kosovë frikësohen nga strukturat paralele që përkrahen dhe shndërrohen në banda nga presidenti Vuçiç. Ata po shkelin të gjitha të drejtat themelore të serbëve dhe po i kërcënojnë që të mos marrin pjesë në zgjedhje. Do të bëjmë gjithçka që t’i mbrojmë serbët nga këto struktura kriminale”, ka thënë presidentja.
Ndërkohë, në përgjigje të deklaratës së Selakoviçit për ish-krerët e UÇK-së, Osmani tha se Kosova ka qenë viktimë dhe serbët agresori.
“Kosova ka përkrahur themelimin e Zyrave të Prokurorit të Specializuar. Udhëheqësit kanë bashkëpunuar me këtë tribunal sepse s’kemi çka të fshehim. E vërteta është se NATO ka intervenuar për të ndaluar gjenocidin serb dhe kjo nuk mund të ndryshohet. Ne kemi qenë viktimë dhe serbët kanë qenë agresor”, tha Osmani.
Presidentja u ndal edhe tek marrëveshjet e nënshkruara në Bruksel dhe vuri në dukje se nuk janë implementuar nga ana e Serbisë dhe tha se Selakoviç nuk mund t’i japë leksione për këtë çështje.
