Ditën e sotme nga qyteti i Durrësit Kryetari i Partisë Demokratike, Lulzim Basha i ka bërë thirrje demokratëve që të ndahen nga kultura e së shkuarës, pra duke i kërkuar në këtë mënyrë të distancohen nga ish-lideri historik Sali Berisha.
Gjithashtu Basha siguroi se PD nuk do të merret kurrë peng nga Sali Berisha për hallet e tij personale.
Flet Basha
Duhet të ndahemi nga kultura se po mendove ndryshe nga kryetari je armik. Kultures se duhet t’i servilosesh të parëve të partise dhe jo vlerave. Kjo që po ndodh nuk është thjesht ndryshim politik por ndryshim kulturor. Askush nuk e ndjek këtë ndryshim më shumë se rinia. Kujt i shërbejnë gënjeshtrat e dikujt që ka 30 vite në pushtet? Nëse nuk i shërbejnë shqiptarëve atëherë duhet të ndahemi nga kjo. Këtë kemi bërë në datë 18 dhjetor kur demokratët zgjodhën të ardhmen dhe sanksionuam në kushtetutën tonë.
Ka nga ata që i lidh gënjeshtra si mjeti më i vjetër i propagandës komuniste për të mbuluar të gënjeshtrat mbi kurrizin e shqiptarëve. Sa here e kemi ngritur zërin për njerëzit që vuajnë. Ata që gënjejnë nga mëngjesi deri në darkë nuk kanë për qëllim asgjë e mirë për qytetarët, por për dy qëllime, së pari të mbrojnë veten e vet, dhe së dyti ta përccajnë PD-në. Kushdo qofshin , njerëzi si Edi Rama që i kemi pasur përballë dhe do i kemi derisa t’i largojmë, apo të tjerë si Berisha që shpif për njerëz që ka pasur në krah, vetëm e vetëm pse nuk kanë pranuar që t’i nënshtrohen atij në rrugën pakrye që tenton ta fusë PD-në. I themi që gënjeshtrat po ju bien ditë pas dite. Sa më shumë të gënejsh, aq më shumë populli e kupton se gënjen për një hall tëndin personal. Hall që nuk ta zgjidh dot PD dhe nuk do e marrësh dot kurrë peng. Janë të vërteta që duhen thënë.
