Deputetja e Partisë Demokratike, Jorida Tabaku ka dhënë detaje në lidhje me mbledhjen e grupit parlamentar. Tabaku u shpreh për mediat se do të duhet ende kohë për të analizuar situatën dhe për të dalë nga kjo krizë.
Deputetja e cilësoi 14 majin si humbja më e madhe e PD në këto vite, ndërsa shtoi se demokratët nuk duhet të kthehen te gabimet e së shkuarës.
“Pati diskutime për seancën e nesërme. Ne nuk mund të sillemi sikur nuk ka ndodhur asgjë. Diskutimet lidheshin dhe për situatën që po ndodh në PD. Kemi vendime për të marrë, opozita shqiptare në 14 maj ka pësuar humbje të madhe, nga më të mëdhatë. Kemi nevojë që të kuptojmë se çfarë ka ndodhur. Kemi nevoje për të nisur një tur dëgjesash, reflektimi për të kuptuar se si mund të ringrihemi. Unë jam duke u konsultuar me anëtarët. E rëndësishme është që mos të përsëriten gabimet e së shkuarës, pa u nxituar. U detyrohemi këtë demokratëve edhe shqiptarëve.”, tha Tabaku.
Kujtojmë se më herët u mbodh dhe grupi parlamentar i PD që mbështet Berishën, ku u propozua që nesër në parlament të shpaloset një amandament për vendosjen e minimumit jetik, të cilin vetë Berisha e cilësoi si më parësor se rritja e rrogave të deputetëve.
