Pasditen e sotme kreu i Partisë së Lirisë Ilir Meta në një takim me Komitetin Drejtues Kombëtar të Rinisë hodhi akuza ndaj qeverisë për largimin masiv të shqiptarëve.
Meta u shpreh se vendi po zbrazet çdo ditë nga politikat e gabuara të qeverisë, duke theksuar se borxhi publik llogaritet të jetë 11.9 miliardë euro. Ai kërkoi heqjen e gjobësh 10-fish për bizneset.
Meta: Dua të shpreh mirënjohjen më të thellë për angazhimin e të rinjve. Jam i sigurt se përfaqësimi i Partisë së Lirisë do ndiqet nga përzgjedhja e shumë prej jush në Këshillin Bashkiajk të Tiranës dhe në të gjitha bashkitë e tjera.
Vendi po zbrazet nga dita në ditë për shkak të politikave të qeverisë, tërësisht të gabuara që shkojnë drejt një kliebntele të qeverisë kundër shumicës së popullit shqiptar. Ndaj mbështesim gjithë ato propozime.
Treguesit e konsumit janë në rënie. Çmimet e konsumit janë në rritje. Çmimet e ushqimit bazë është në rritje. Borxhi publik është në rritje. Borxhi llogaritet në 11.9 miliardë euro. Normat e interesit bazë janë në 2.75% duke shtuar kostot e huamarrjes. Në këtë situatë, të gjitha përpjekjet e qeverisë për të mbajtur në kontroll borxhin duke kufizuar shpenzimet sociale, janë në dëm të qytetarëve shqiptarë. Shkojnë vetëm në interes të klientëve të qeverisë, oligarkëve. Ne edhe njëherë tjetër kërkojmë heqjen e gjobave 10 fish.
