Cristiano Ronaldo dhe i gjithë ekipi i Juventusit me në krye Andrea Pirlon janë në pritje të përgjigjes që Ronaldo do të marrë nga testi i dytë për koronavirusin.
Kjo përgjigje është shumë e rëndësishme për të gjithëpasi më datë 28 luhet ndeshja e shumëpritur kundrejt Barcelonës. Ndeshje kjo e vlefshme për Champions League ku nuk do të mungojë kurrsesi ylli i katalanasve, Leo Messi.
Shpresa e portugezit dhe Pirlos është që tamponi i fundit të jetë negativ. Në fakt, protokolli që ndjek Uefa përcakton, për takimet që do të luhen në shtëpi, për të dalë në fushë, një lojtar nuk duhet të ketë pasur asnjë simptomë për një javë dhe të ketë një rezultat negativ të paktën 24 orë para ndeshjes, por përsëri juventinët nuk janë shumë optimistë se Ronaldo mund të marrë një përgjigje të kënaqshme për sfidën e të mërkurës.
Ndërkohë kujtojmë se Cristiano Ronaldo u infektua me COVID-19 gjatë kohës që ishte grumbulluar me Kombëtaren e tij për ndeshjet e Ligës së Kombeve.
Ai u kthye menjëherë në shtëpinë e tij në Torino ku është izoluar dhe po pret me pa durim momentin që do të shërohet dhe t’i kthehet ekipit të tij, Juventusit, pasi edhe në testin e javës kaluar rezultoi pozitiv.
