Prej dy muajsh kufijtë në një pjesë të mirë të botës janë mbyllur me qëllim parandalimin e përhapjes së pandemisë.
Tashmë me përmirësimin e situatës dhe lehtësimin e masave, pyetja më e shpeshtë e njerëzve, jo vetëm në Shqipëri, por kudo, është se kur do hapen kufijtë.
Deri tani nuk ka ende një vendim zyrtar dhe përfundimtar, pasi një hap i tillë kërkon bashkëpunim mes vendeve të ndryshme.
Mbrëmjen e sotme, teksa shpjegoi planin e rihapjes së vendit dhe rrezikut që ky proces ka për qytetarët, kryeministri Edi Rama foli edhe për hapjen e kufijve.
Në një intervistë për “Opinion”, kreu i qeverisë deklaroi se në ditët në vijim qeveria do të marrë një vendim për hapjen e kufijve tokësor me Greqinë, Malin e Zi, Kosovën dhe Maqedoninë e Veriut.
Ndërsa lidhur me kufijtë ajror ai tha se është ende herët, dhe pritet vendimi i BE-së megjithatë, shqiptarët duhet t’i harrojnë pushimet jashtë vendit këtë verë.
“Po shikojmë hapjen e kufijve tokësor me Greqinë dhe Kosovën, malin e Zi dhe Maqedoninë e Veriut, është një vendim i vështirë që do e marrim në ditët në vijmë, por që do të jetë brenda majit. Dy rreziqet më të tmerrshme është turizmi të cilin nuk mund ta mbajmë mbyllur dhe e dyta është transporti publik. Për hapjen e kufijve kam parasysh hapjen e kufijve për qytetarët shqiptarë, që janë në anën tjetër të kufirit. Natyrisht që kufiri me Kosovën është kufiri me një pjesë tjetër të qytetarëve shqiptarë. Ne sot mund të sjellim në Shqipëri turistë më shumë se çdoherë tjetër. Kërkesat janë të pafundme nga vendet që përmende, Hungaria, vendet nordike. Çështja është a duhet apo s’duhet t’i sjellim?! Janë qeveritë e tyre që thonë jemi gati t’i mbështesim turistët që të vijnë këtu pasi Shqipëria ka situatën më të mirë por pyetja është a duhet apo jo. Ne po synojmë një turizëm të brendshëm ose me korridore”.-tha Rama.
Turizmi është një nga sektorët që është goditur më shumë nga pandemia, duke e futur në një krizë të thellë.
Ditën e djeshme krerët e BE thanë se po shohin mundësin e rihapjes së kufijve pas 15 qershorit teksa pritet një vendim përfundmitar.
LEXO: BE merr vendimin: Ja çfarë do ndodhë me sezonin turistik këtë verë
https://www.facebook.com/edirama.al/videos/1371344326586791/
