Aurel Hoxhallari dhe Elidon Kotorri janë dy subjektet e radhës të Operacionit Forca e Ligjit.
Ata janë emra të njohur për drejtësinë në fushën e krimeve ndaj personit.
Aurel Hoxhallari është i dënuar për veprat penale “Armëmbajtje pa leje”, “Vrasje me paramendim në bashkëpunim” dhe “Prodhim e shitje narkotikësh:.
Ai akuzohet për organizimin e vrasjes së Devi Kasmit.
Ka dyshime se ishte pikërisht Hoxhallari ai që ka kontaktuar me vrasësin me pagesë nga Greqia, Eftimius Eftimiu.
Në vitin 2015, së bashku me kushëririn ai është arrestuar si porositësi i dyshuar për vrasjen e Pajtim Serjanit në “Rrugën e Kavajës” në Tiranë.
Elidon Kotorri ndërkohë është dënuar për veprat penale “Vrasje me paramendim e kryer në bashkëpunim” dhe “Armëmbajtje pa leje”.
Ai është akuzuar për krimin e dyfishtë në vitin 1999, ku u vranë Sentilian Elezi dhe Fatmir Hodaj.
Dy dekada më vonë Kotorri arriti të fitojë lirinë.
Gjykata e Strasburgut dha vendimin për rishikim të çështjes dhe më pas ai përfitoi zbritje nga dënim i përjetshëm në 25 vite.
