Operacioni Forca e Ligjit (OFL), ka shkuar ditën e sotme në Dibër, ku u ka dërguar formularin e vetëdeklarimit të pasurisë 3 të dënuarve në qytetin e Dibrës.
Bëhet me dije se formulari u është dërguar shtetasve:
Albi Murja, Tedi Vojka dhe Eriol (Moll) Çela, të dënuar në Itali dhe Francë për akuzën “Trafikim të lëndëve narkotike”.
Eriol (Moll) Çela, banues në Dibër, i dënuar në Itali për veprën penale “Trafikimi i narkotikëve”;
Tedi Vojka, banues në Dibër, i dënuar në Francë për veprën penale “Trafikimi i narkotikëve”;
Albi Murja, banues në Dibër, i dënuar në Francë për veprën penale “Trafikimi i narkotikëve”.
Njoftimi i Policisë:
OFL, 16 nëntor
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Eriol (Moll) Çela, banues në Dibër, i dënuar në Itali për veprën penale “Trafikimi i narkotikëve”;
Tedi Vojka, banues në Dibër, i dënuar në Francë për veprën penale “Trafikimi i narkotikëve”;
Albi Murja, banues në Dibër, i dënuar në Francë për veprën penale “Trafikimi i narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./GazetaReforma.com/
