Kryeministri Edi Rama është takuar sot me Presidentin e Republikës së Kosovës Hashim Thaçi, teksa së fundmi ka publikuar dhe një foto ‘selfie’ nga zyra, ku shfaqen duke qeshur.
Rama e cilëson takimin me Presidentin e Kosovës vëllazëror teksa pas tyre shihet flamuri shqiptar.
Me Presidentin e Kosovës, pas një bashkëbisedimi si gjithnjë vëllazëror.
Me Presidentin e Kosovës, pas një bashkëbisedimi si gjithnjë vëllazëror🇦🇱👐🏿🇽🇰 pic.twitter.com/apAn50Ezrh
— Edi Rama (@ediramaal) June 5, 2020
Më herët ditën e sotme Thaçi zhvilloi një takim me presidentin Meta dhe pas tij ka takuar kryeministrin, me të cilin gëzon një marrëdhënie të mirë, teksa nuk dihet ende se cila ka qenë tema e diskutimit.
Thaçi u shpreh ditën e djeshme se kishte ardhur në Shqipëri për një vizitë miqësore, për të takuar liderët politikë për shkak edhe të zhvillimeve të fundit politike në të dy vendet.
Kjo është edhe vizita e parë e Thaçit pas rihapjes së kufirit mes dy vendeve, si shkak i pandemisë së Covid-19.
Nga ana tjetër, Rama nuk ka patur një raport shumë të mirë me ish-kryeministrin Albin Kurti, i cili ka deklaruar se gjatë pandemisë nuk ka zhvilluar asnjë takim me Ramën ndonëse kishte tentuar disa herë.
