Një grup prej 24 shqiptarësh janë bllokuar në kufirin mes Hungarisë dhe Serbisë.
Ata janë lejuar që të dalin nga Hungaria, por nuk janë lejuar nga polcia kufitare serbe, shkruan “Dosja.al”.
Shqiptarët kanë kontaktuar ambasadën tonë në Hungari, e cila do të mundësojë kthimin e tyre në atdhe.
Ata do t’i hipin avionit në 06:00 të mëngjesit, ndërsa po vijojnë komunikimet me kompaninë e fluturimit, pasi nuk ka vende të lira për të gjithë.
Mësohet se njëri prej shqiptarëve ka pasur temperaturë të lartë dhe është dërguar në spital, pasi ka dyshime se është prekur nga koronavirusi.
Aktualisht në vendin tonë janë shënuar 51 të infektuar nga koronavirusi dhe një viktimë.
ISHP bën me dije se tre prej të prekurve ndodhen në repartin e Infektivit në terapi intensive.
Ndërkohë në rang global, koronavirusi i ka marrë jetën mbi 6600 personave, ndërsa janë regjistruar mbi 173 mijë të infektuar.
