Autoritetet në Kosovë vazhdojnë kërkimet për shkatërrimin e grupit terrorist që sulmoi policinë e Kosovës ditën e djeshme dhe la të vrarë një efektiv dhe u plagos një tjerër. Mësohet se autoritetet e Kosovës kanë arritur të zbulojnë arsenalin e armëve të zjarrit që kishte grupi në Banjskë të Zveçanit.
Gjithashtu mësohet se 6 nga serbët që u përfshinë në sulm janë duke u trajtuar në spital në Novi Pazar të Serbisë, ndërsa ministri i Brendshëm Xhelal Sveçla i ka bërë thirrje Beogradit t’i dorëzojë te autoritetet.
Sipas saj përveç armëve të sekuestruara janë gjetur edhe harta dhe dokumente që dëshmojnë për organizim të mirëfilltë për sulme të tjera.
Sakaq, mësohet se armatimi i gjetur i përket llojit që përdor ushtria serbe, të vitit 2021.
