Këtë të mërkurë Gjykata e Apelit në Tiranë ka vendosur të lërë në fuqi dënimin me 50 vite burg për Faik dhe Shkëlzen Buci. Babë e bir akuzohen për vrasjen e Eglantina Buci, 23 vjeç, e cila është e bija e Faikut dhe motra e Shkëlzenit. Ngjarja ka ndodhur 10 vite më parë, por u zbardh vetëm 2 vite më parë në 2020-ën ku një dëshmitarë okular ka rrëfyer krimin e rëndë para uniformave blu. Vrasja është kryer në Malin me Gropa si sipas të dhënave të grumbulluara nga hetimi Eglantina në atë kohë 23 vjeç u mor në makinë nga i vëllai Shkëlzeni, siç thotë Prokuroria, me kërkesë të babait Faik Buci dhe u ekzekutua me armë zjarri në Malin me Gropa, ku edhe iu fsheh trupi, për të humbur gjurmët, por fatmirësit krimi u pa nga një dëshmitar që u bë bashkëpunëtor i drejtësisë dhe falë tij u bë zbardhja e ngjarjes. Pas hetimeve të kryera prokuroria doli në konkluzionin se shkak për vrasjen ishte bërë mospranimi nga Eglantina për t’u fejuar me djalin e zgjedhur nga i ati dhe më pas largimi i saj nga banesa. Dy të pandehurit kanë mohuar vazhdimisht akuzat, por gjykata pas shqyrtimit të provave ka vendosur t’i lërë ata në burg.
Çfarë tregojnë demografia, ushqimi dhe muzika për të ardhmen e shqiptarëve?
Nga Irena Beqiraj: Ndonjëherë ta deshifrosh realitetin, edhe parashikosh të ardhmen nga të dhënat e treguesve kryesorë ekonomikë, ku në...
