Ish-kryeministri Sali Berisha ka publikuar në rrjetet sociale disa dokumente që, sipas tij, tregojnë se Taulant Tusha, ish-drejtor në bashkinë e Tiranës, ka një hotel në Potam të Himarës. Berisha thotë se ky hotel është në emrin e vëllait të Tushës dhe e cilëson këtë si pjesë e “vjedhjeve të pafundme”. Ai ka postuar një foto dhe dokumentet duke akuzuar se këto janë krime të fshehura nga partia.
‘Hajnat nuk ngopen kurrë! Taulant Tusha me hotel në Potam të Himarës në emër të vëllait! Shikoni foton dhe lexoni dokumentat. Vjedhje të pafundme. Krimet që fsheh Skrapi i partisë!’, shkroi Berisha në Facebook.
