Policia e Librazhdit ka arrestuar një 53-vjeçar pasi ka kanosur me thikë një bashkëfshatar që ndërhyri për të mos e lejuar të drejtonte automjetin në gjendje të dehur.
Shtetasi M. A., është kapur gjatë drejtimit të automjetit në gjendje të dehur dhe gjatë kontrolleve në automjet, janë sekuestruar dy thika.
Mësohet se ai ka kanosur shtetasin Y. B., 46 vjeç, i cili kishte ndërhyrë për të parandaluar ngasjen e makinës.
Pas arrestimit, materialet procedurale janë dorëzuar në Prokurorinë e Elbasanit për veprime të mëtejshme.
