Kryeministri Edi Rama njihet për deklaratat e tij të bujshme dhe pikante, që shpesh shoqërohen me zhurmë.
Më 9 prill në një intervistë për “Open”, kreu i qeverisë, teksa sqaronte se dritat do paguhen nga të gjitha bizneset dhe nëse nuk kanë para të shesin jahtin ose vilën e tretë apo të katërt.
“E dimë që jeni në vështirësi, e dimë që nuk i paguani dot të gjithë punëtorët. Por nuk pranojmë që të mos paguani dritat. Ata punëtorët që i keni hequr nga puna do i ktheni në punë, ne për këtë do ndërhymë, për këtë do u ndihmojmë. Ata punëtorë nuk janë skllevërit tuaj, ata janë burimi i suksesit tuaj. Po jeni në vete kur thoni nuk paguani dritat. Shisni jahtin dhe paguani dritat. Shiteni vilën e tretë apo të katër dhe paguani dritat”, u shpreh Rama.
11 ditë më pas, më 20 prill, kryeministri u kap sërish me pronarët e jahteve.
Në një intervistë për News24, teksa fliste për turizmin lokal që mund të zhvillohet këtë vit tha se për Shqipërinë kjo është gjë e mirë, pasi shumë të pasur që mezi presin t’ua hipin jahteve që kanë, që mezi presin të shkojnë në vendet më të shtrenja, do zbulojnë Shqipërinë, bukuritë e vendit, do shpenzojnë një pjesë të parave në vendin e tyre.
“Gjëja që duket me e mundshme, gjithmonë nëse do të ketë turizëm, është se ky do të jetë një sezon atipik: turizmi do të jetë i brendshëm. Për Shqipërinë është mirë, se shumë të pasur që mezi presin t’ua hipin jahteve që kanë, që mezi presin të shkojnë në vendet më të shtrenja, do zbulojnë Shqipërinë, bukuritë e vendit, do shpenzojnë një pjesë të parave në vend, do ndihmojë industrinë e turizmit dhe shoqërinë.”
Së fundmi, i ftuar në “Open” kryeministrit i kanë kujtuar këto deklarata.
Teksa Rama po thoshte se qeveria ka kaluar një ligj për turizmin e detit, masë që nuk është për shqiptarët që do të blejnë jahte, analisti Andi Bushati ia ktheu, duke i thënë se ” iu thatë shisni jahtet, tallët trapin me dynjanë”.
Bushati: Ju ftova mbi 10 herë për të mos e kthyer personale.
Rama: Ju jeni shpifës, me mua në sy joo. Përgjigja është kjo që ne kemi kaluar një ligj për turizmin e detit. Është kjo masë që nuk është për shqiptarët që do të blejnë jahte.
Bushati: Ju kur iu thatë shisni jahtet. Tallët trapin me dynjanë.
Rama: Mos e prish gojën Bushat.
Bushati: Keni bërë teatër me këtë. Se tani thoni s’ka shqiptarë me jahte.
Rama: Uli duart se nuk të shkojnë ashtu. Qeveria ime u merr të pasurve shumë më tepër taksa. O Robin Hood duhet të gëzoheni, problemi i këtij sistemi është varfëria jo të pasurit.
https://www.facebook.com/edirama.al/videos/296944281344156/
