Afganistani tanimë është thuajse në kontroll të plotë të talebanëve.
Këta të fundit, kanë paralajmëruar se brenda pak ditëve do të formojnë qeverinë e re dhe do të instalojnë rregullat strikte, të huazuara nga Sheriati islam. Kësisoj, ndër rregullat e vendosura janë dhe disa të drejta që i mohohen grave, si mungesa e shkollimit, e daljes në rrugë e zbuluar apo e pa shoqëruar si dhe moslejimi i punëve ku ka dhe burra. Për të parandaluar këto rregulla, disa vajza afgane janë duke u veshur si djem për t’u kamufluar dhe zhvilluar një jetë normale. Vajzat, kanë prerë flokët e janë veshur si djemtë, si dhe sillen njëjtë si ata. Deri më tani ky truk ka pasur sukses, por nuk dihet në a do të ketë në vijimësi.
Në fakt kjo njihet dhe si “Bacha Posh”, e cila është një traditë fisnore në Afganistan e rrënjosur në pabarazinë gjinore. Kjo ka qenë historikisht një traditë ose një mënyrë që disa vajza të jetojnë si djem para pubertetit. Fjalë për fjalë një ‘femër e veshur si një djalë’ në Dari, është një ritual i lashtë para talebanëve në të cilin një familje cakton një vajzë për të jetuar si djalë. Mund t’i japë liritë e një djali si shkollimi, atletika, dhe e drejta për të qenë vetëm jashtë.
