Talebanët kanë marrë një vendim ekstrem sa i përket angazhimit të grave dhevajzave në sport. Ato do të ndalohen të luajnë, përfshirë këtu edhe gratë në ekipin e kriketit, sipas një sipas një zyrtari të grupit islamik.
Në një intervistë me transmetuesin australian SBS, nënkryetari i komisionit kulturor të talebanëve, Ahmadullah Wasiq, tha se sporti i grave nuk konsiderohej as i përshtatshëm dhe as i nevojshëm.
“Unë nuk mendoj se gratë do të lejohen të luajnë kriket sepse nuk është e nevojshme që gratë të luajnë kriket. Në kriket, ato mund të përballen me një situatë ku fytyra dhe trupi i tyre nuk do të mbulohen. Islami nuk lejon që gratë të shihen kështu.
Është epoka e mediave, dhe do të ketë fotografi dhe video, dhe pastaj njerëzit do t’i shikojnë ato. Islami dhe Emirati Islamik [Afganistani] nuk i lejojnë gratë të luajnë kriket ose të luajnë lloje sportesh aty ku ekspozohen”, deklaroi Wasiq.
Një qeveri e re talebane e përkohshme e nxjerrë ekskluzivisht nga gradat besnike filloi zyrtarisht punën të mërkurën, me grupet e ashpra të vendosura në të gjitha postet kryesore dhe pa gra – pavarësisht premtimeve të mëparshme për të formuar një administratë përfshirëse. Departamenti amerikan i shtetit shprehu shqetësimin se kabineti i ri përfshinte vetëm talebanët, asnjë grua dhe personalitete me histori shqetësuese, por tha se administrata e re do të gjykohet nga veprimet e saj.
