Një ditë para se Britania e Madhe të heq një pjesë të kufizimieve për Covid-19, kryeministri Boris Johnson është detyruar të futet në izolim e po ashtu edhe kancelari Rishi Sunak. Të dy ata patën kontakt me ministrin e Shëndetësisë, Sajid Javid, i cili ka rezultuar pozitiv për koronavirus.
Dy politikanët fillimisht thanë se nuk do të duhet të izoloheshin, pasi po merrnin pjesë në një skemë pilot që përfshin testimin e përditshëm në vend. Por partitë e opozitës thanë se ekzistonte një rregull për të gjithë.
Kryeministri më vonë tha se ata kishin menduar shkurtimisht për të marrë pjesë në skemë. Por Boris Johnson tha se ishte “shumë më e rëndësishme që të gjithë t’i përmbahen të njëjtave rregulla dhe kjo është arsyeja pse ai do të vetëizolohet deri në 26 korrik.
“Unë e di se sa zhgënjyese është e gjitha, por unë me të vërtetë i nxis të gjithë të qëndrojnë me programin dhe të bëjnë veprimin e duhur kur kërkohet ta bëni këtë për programin e testimit dhe gjurmimit të NHS“, tha Johnson në një video të publikuar në Tëitter.
Javid rezultoi pozitiv të shtunën në mëngjes pas një takimi në Doëning Street një ditë më parë, dhe të dy Johnson dhe Sunak u kontaktuan nga programi i testimit i Sistemit Kombëtar Shëndetësor (NHS), pasi kishin pasur kontakt me ministrin.
