Rusia është në ditën e saj të luftës dhe ditën e sotme po negociohet midis përfaqësuesve të të dy vendeve në kufi me Bjellorusinë.
Presidenti Ilir Meta ka shkuar sot për një takim zyrtar në ambasadën ukrainase në Tiranë, duke marrë shkas nga situata në Ukraine, ku Rusia prej 5 ditësh po lufton.
Theksojmë se në qëndrimet e tij Meta ka dënuar sulmet në Ukrainë, ndërsa është solidarizuar me dhimbjen e popullit ukrainas.
Presidenti Ilir Meta foli për luftën në Ukrainë, pas takimit me ambasadorin e Ukrainës në vendin tonë, duke thënë se qëndrimi i Shqipërisë është e do të jetë i qartë, në linjë të plotë me atë të BE e NATO.
Presidenti Meta tha se Rusia dhe Ukraina duhet të ndalojnë luftën e të gjejnë zgjidhje të situatës përmes dialogut, ndërsa shtoi se shpreson që kjo situatë agresioni të tejkalohet sa më parë.
“Po mbrojnë lirinë dhe dinjitetin e tyre, si një popull evropian që ka dhënë aq shumë për lirinë, në të kaluarën, por që dhe sot po jep një shembull frymëzues për të mbrojtur jo vetëm shtetin e tyre, për mbrojtur jo vetëm dinjitetin e tyre kombëtar e njerëz, por edhe vlerat më të mira evropiane. Ndaj jemi në krah të Ukrainës e të Presidentit Zelensky, jemi për të shprehur dhe njëherë ngushëllime për viktimat e pafajshme dhe të gjithë të lënduarit, nga ky agresion i pabesë dhe i pajustifikuar.
Kujtojmë se ditën e djeshme qytetarë të shumtë u mblodhën për të protestuar përpara ambasadës ruse në Tiranë. Ata bënë thirrje që të ndalet agresioni rus i cili deri tani u ka marrë jetën dhjetëra civilëve dhe qindra ushtarëve.
Për të kundërshtuar sulmin rus ndaj Ukrainës, – sulm i cili vijon për katër ditë me radhë -, demostruesit shpalosën një flamur të madh, ukrainas. “Stop luftës”, “Putin, terapia kushton më pak se lufta”, “Bota duhet ta ndalojë Rusinë”, shkruhet në pankartat në duart e protestuesve. Protesta kundër luftës janë zhvilluar edhe herë të tjera para ambasadës ruse në Tiranë, që prej fillimit të sulmit rus.
