Disa ditë më parë, qyteti i Durrësit është tronditur nga një ngjarje tragjike, ku vëllezërit Viktor dhe Besmir Haxhia janë ekzektuar me armë zjarri në zonën e Nishtullës.
Dy të rinjtë kanë përshkruar rrugën nga Universiteti “Aleksandër Moisiu” për në tregun e makinave në qytet, ku edhe janë qëlluar me breshëri kallashnikovi nga ana e atentatorëve.
LEXO: Ekzekutimi i 2 vëllezërve në Durrës: Policia shoqëron 30 persona, ja pistat ku po hetohet
Mirëpo, në media u raportua se dyshohet se krimi ka lidhje me një ngarkesë droge të padorëzuar në destincacion dhe se hetimet po drejtohen në Bari, ku disa javë më parë u kapën 20 kg heroinë dhe kokainë, në një kamion të modifikuar.
Mendohet se mjeti është modifikuar në biznesin e dy vëllezërve, Besmir dhe Viktor Haxhia, teksa kamioni me lëndën narkotike ishte nisur nga Durrësi dhe u kap më 9 prill në Bari.
Ditën e sotme u raportua se policia ka arrestuar dy autorët e dyshuar të krimit mafioza: shtetasi me iniciale A.M. dhe shtetasi me iniciale K.A.
Por, si arritën blutë në gjurmët e tyre?
Departamenti i Policisë së Shtetit bën me dije se së pari është dashur të grumbullohen dëshmi e prova dhe së dyti të veprohet me shpejtësi, për të mos u lënë kohë autorëve të fshehin gjurmët e krimit.
Megjithatë, ka qenë një gabim ai që i ka nxjerrë zbuluar dhe lidhet pikërisht me një telefonatë dhe SMS që i ishte dërguar viktimës Besmir Haxhia, gjë e cila u raportua edhe disa ditë më parë.
LEXO: Mesazhi në telefonin e dy vëllezërve të vrarë në Durrës që mund të zbardhë krimin makabër
“Duhet ta zgjidhim sa më shpejt, sepse në të kundërt, as ju dhe as ne nuk do të jemi të qetë. Takohemi dhe e sqarojmë muhabetin…Koha pret deri pasdite”- shkruhej në mesazhin që është gjetur në telefonin e Besmirit dhe që në pak kohë u zbulua edhe numri i telefonit që nuk u përkiste kompanive shqiptare të telefonisë celulare.
Pas një hetimi të shpejtë me ndihmën edhe të disa strukturave ligjzbatuese jashtë vendit, u zbulua se një prej autorëve ishte Altin Ndoci, ndërsa bashkëpunëtor i tij në krim një person nga Tirana me inicialet K.A.
Për këtë të fundit nuk bëhet i ditur identiteti i plotë, pasi Policia e ka tashmë një dëshmitar të saj dhe nuk është çudi të konsiderohet një i penduar i Drejtësisë.
Sipas Gazetës Shqip, të dy të arrestuarit kanë dhënë dëshmitë e tyre, madje është filmuar edhe një bisedë ambientale me dy të arrestuarit, teksa janë lënë në të njëjtin ambient.
Por edhe këtu Altin Ndoci ka dalë zbuluar, sepse i ka kërkuar bashkëpuntorit të jenë në një mendje dhe të dëshmojnë të njëjtën gjë, teksa në vendin e ngjarjes janë marrë shumë gjurmë, që fatalisht janë lënë nga dy autorët.
Nga ana tjetër për motivet e krimit nuk ka tashmë asnjë paqartësi, pasi atentati mafioz ka ndodhur për pazare droge, ku vetë vëllezërit Haxhia ishin trafikantë droge të brendshëm ,por që sillnin “mall”edhe nga jashtë vendit dhe ishin bashkëpunëtorë me Dorjan Shkozën dhe Anxhelo Avdian.
