Ditën e sotme Kryeministri i Kosovës Albin Kurti ka zbardhur detaje në lidhje me takimin me homologun e tij shqiptar Edi Rama. Kujtojmë se Kurti të martën doli urgjent nga konferenca që po jepte për mediat dhe u nis drejt Tiranës për të zhvilluar një takim me Edi Ramën.
“Takimi i djeshëm ka qenë një drekë pune, ka qenë një takim i nevojshëm, e para është siguria kibernetike, kjo ka qenë tema e parë. Ne jemi takuar për të diskutuar për sulmet me të cilat janë përballur dhe për krizat energjetike”, ka deklaruar Kurti.
“Siguria kibernetike ishte tema e parë, pasi isha shumë i interesuar të marr vesh sa më shumë për përvojën e tyre nga sulmet që kanë pasur”, ka shtuar Kurti.
Gjithashtu Kurti bën me dije se temë tjetër diskutimi ka qenë ka bashkëpunimi energjetik mes vendeve, ku gjatë dimrit Shqipëria t’i japë energji Kosovës, e Kosova ta bëjë verës këtë gjë.
“Përgatitjet në dritën e rifillimit të procesit të Berlinit, sepse ju e dini që takimet e mëhershme të procesit të Berlinit janë bërë nga Angela Merkel, e tash do të bëhen nga kancelari i ri”, ka thënë Kurti.
“Ka shumë punë të ekipeve tona dhe shumë bashkëpunim paraprak”, ka treguar kryeministri i Kosovës.
