Ditëne sotme, Jorida Tabaku si kryetare e Komisionit Hetimor të ngritur në Kuvend për çështjen e inceneratorëve, Tabaku takoi kreun e SPAK, Arben Kraja.
Më pas, ajo dha një deklaratë për mediat ku theksoi dhe njëherë mbështetjen për SPAK.Ndërkohë pas disa orësh, SPAK ka zbardhur takimin me nënkryetaren e PD Jorida Tabaku.
Kujtojmë që ditën e sotme një debat i ashpër është zvilluar në Komisionin Hetimor Parlamentar për Inceneratorët, ku PS tha se do të denonconte në SPAK Jorida Tabakun pas një takimi të saj me kreun e Prokurorisë së Posaçme, Arben Krajën.
Njoftimi:
Sot me datë 21 Shkurt 2022 Drejtuesi i Prokurorisë së Posaçme zhvilloi një takim me zonjën Jorida Tabaku, deputete e Kuvendit të Republikës së Shqipërisë, Kryetare e Komisionit Hetimor të ngritur nga Kuvendi për inceneratoret. Takim u zhvillua me kërkesë të zonjës Tabaku.
Prokuroria e Posaçme është e vendosur që të administrojë çdo fakt dhe çdo indicje që lidhet me hetimin e procedimeve penale të regjistruara për çështjen e inceneratoreve, ngado që të vijnë, aq më shumë nga Komisioni Hetimor i ngritur nga Kuvendi.
Nga ana tjetër, sigurojmë opinionin publik se prokurorët janë të pavarur në veprimtarinë e tyre hetimore, në vendimarrjen e tyre dhe do të analizojnë me ligjshmëri, objektivitet dhe paanësi çdo pretendim, indicje apo provë që paraqitet nga të gjithë palet që kanë dijeni rreth procesit për të cilin po hetohet.
