Trajneri i Shqipërisë, Sylvinho, komentoi humbjen 1-2 ndaj Ukrainës në Ligën e Kombeve, duke theksuar se ekipi e pagoi çmimin e një fillimi të dobët në ndeshje.
“Pësuam gola shumë shpejt. Kjo është një situatë që nuk duhet të ndodhë më. Duhet të rritemi dhe të përmirësohemi,” u shpreh Sylvinho, duke shtuar se diferenca e golave që i ka sjellë Shqipërinë në vendin e katërt në grup është diçka që duhet të përmirësohet.
Ai gjithashtu përmendi se moduli i lojës nuk do të ndryshojë dhe se kanë provuar të ndryshojnë formacionin nga 4-3-3 në 4-2-3-1, me synimin për të pasur më shumë mundësi sulmi.
Për sa i përket lojtarëve, Sylvinho sqaroi se Asani, i cili pati një problem fizik para ndeshjes, u aktivizua pasi ishte i gatshëm, ndërsa Daku u zëvendësua për arsye taktike, duke theksuar se Uzuni luan më mirë në hapësira.
