Kryeministri Edi Rama, vizitoi ditën e sotme një nga spitalet e QSUT, ku pa më nga afër dëmet e shkaktuara nga tërmeti.
Shefi i qeverisë ishte i shoqëruar nga ministrja e Shëndetësisë, Ogerta Manastirliu, e cila bëri me dije se ka pasur dëme në rapartin e djegieve plastike, si dhe te Pediatria.
Rama ndërkohë bëri me dije, se është duke negociuar me një kompani ndërkombëtare turke, që bën shtëpi antisizmike, ekologjike dhe kundra zjarrit.
Kreu i qeverisë tha se do t’i kërkojë ndihmë edhe për qëndrat shëndetësore, pasi kanë kosto të ulët dhe janë të një cilësie shumë të mirë.
“Suvatë, çe pyet, shto ujë e shto miell. Tenderat, tenderat. Muri nuk ka asnjë lidhje me qëndrueshmërinë. Por kur prishet mund të jetë i rrezikshme. Edhe në rast tërmeti me kartonxhes është e padëmshme kur bie. Dhe kostoja është me e lirë. Ne do të bëjmë një negocim, dhe besoj se do ia dalim, me një kompani të madhe turke që është e certifikuar ndërkombëtarisht. Punon me tregun deri në Amerikë. Do bëjmë një super marrëveshje për shtëpitë, antisizmike, ekologjike, kundër zjarrit. Dhe i thash që ta na japim një ofertë dhe për qendrat shëndetësore, pasi kanë kosto shumë të ulët dhe janë super. Mund të bëjmë më shumë. Po bëjmë një punë me ta, që do na japë shumë sukses”, tha Rama.
