Sulmuesi i Juventusit, Alvaro Morata ka folur së fundmi për kolegun e tij në fushë, sulmuesin portugez Cristiano Ronaldo.
“Të luash me Ronaldon është e lehtë, e njoh atë për një kohë të gjatë. Ndonjëherë ai shënon kur një person normal nuk mundet. Në Parma i dhashë një pasim asistimi që vetëm ai mund ta shihte dhe kuptonte. Unë i kuptoj lëvizjet e tij dhe atë që ai pëlqen të bëjë. Unë shpesh mbaj kujdestarët e tij pas meje, dhe mendoj se është më lehtë për të që të mos luajë me 2-3 mbrojtës kundër tij. Të luash me Ronaldon është një kënaqësi.
Ai është ende një nga më të mirët në historinë e futbollit. Ai është fantastik, ka një nivel të jashtëzakonshëm dhe mund të luajë kudo. Ajo që unë mund të bëj është që të argëtohem dhe të shpresoj që të luaj me të për një kohë të gjatë. Jam rritur duke e parë Ronaldon dhe kur mësova se do të jem në një ekip me të u entuziazmova.
Kur u bashkova me Juventusin, isha i ngazëllyer për të luajtur me Ronaldon dhe Dybala. Këta janë lojtarë të nivelit të lartë, ne kemi një marrëdhënie të shkëlqyeshme edhe jashtë fushës. Unë do t’u them fëmijëve se kam luajtur me ta ”, tha Spanjolli.
