Avioni qeveritar i Jemenit, me shumë anëtarë të kabinetit qeveritar të sapoformuar, është sulmuar me raketa mesditën e sotme.
Sipas raportimeve të mediave ndërkombëtare prezente në Jemen, bëhet me dije se kanë mbetur të plagosur nga sulmi me raketa dhe me armë zjarri në aeroportin e Jemenit, një zëvendës ministër dhe disa zyrtarë të tjerë të lartë.
Sipas mediave ndërkombëtare, sapo avioni me Qeverinë e re të Jemenit ishte kthyer nga Emiratet e Bashkuara, dhe anëtarët e kabinetit po zbrisnin në aeroportin e Adenit, tre shpërthime të fuqishme dhe të njëpasnjëshme ndodhën. Ato u shoqëruan dhe me të shtëna me armë zjarri.
Disa anëtarë të kabinetit dhe kryeministri Maeen Abdulmalik, janë transferuar dhe janë të sigurtë në pallatin presidencial të qytetit.
Dyshohet se nga sulmi kanë mbetur disa viktima dhe të plagosur, por autoritetet nuk kanë raportuar ende detaje të sulmit.
Mediat vendase që kanë qenë në transmetim direkt, shkruajnë se janë dëgjuar të paktën tre shpërthime të njëpasnjëshme në aeroportin e Adenit.
Deri tani është e paqartë nëse këto shpërthime janë shkaktuar nga sulme me dron apo mortaja të hedhura nga zonat përreth.
Ministri jemen i informacionit, ka fajësuar për këtë sulm grupin rebel Houthi të mbështetur nga Irani, sipas televeziionit Al-Arabiya/Gazetareforma.com/
