Ditën e djeshme një ngjarje e paprecedentë ka ndodhur në qytetin e Gramshit ku për pasojë kanë mbetur të plagusur 2 ushtarë roje të uzinës së armëve në këtë qytete. Mësohet se 3 shtetas me pasaporta ruse dhe ukrainase kanë tentuar të hynë në ambientet e Uzinës së Armëve në Gramsh, por ushtarët kanë parë lëvizjet e dyshimta të tyre dhe iu kanë kërkuar të indetifikoheshin.
Policia ka identifikuar një automjet me targa ukrainase AX 6200 IP, në afërsi të godinës. Ndërkohë, sipas Ballkan Web, të parët që janë afruar pranë uzinës janë 24-vjeçari rus Mikhail Zori dhe shtetasi ukrainas, ndërsa rusja Svetlana Timofoeva priste te makina jashtë ambienteve.
Pasi janë konfliktuar me rojet verbalisht, mësohet se shteti ukrainas është larguar dhe përplasja ka vijuar vetëm mes Zorit dhe dy ushtarakëve, të cilët më pas ai i ka sulmuar me spray duke i shkaktuar plagë në fytyrë dhe trup.
Gjithashtu mësohet se shtetasi rus që sulmoi ushtarët me spray ishte i veshur me rroba të zeza ushtarake dhe është ndaluar i parë në vendngjarje.
Ndërkohë dy të tjerët janë kapur në zonën e Cërrikut, ndërsa lëvizja e dyshimtë e tyre është raportuar tre ditë më parë.
Gjithashtu mësohet se 24-vjeçari rus që sulmoi rojet ishte i veshur me rroba të zeza ushtarake dhe është ndaluar i pari, që në vendngjarje.
Sa i përket lëvizjeve të tyre të dyshimta, ato janë raportuar tre ditë më parë.
