Të paktën 23 persona, përfshirë tre fëmijë dhe prindërit e tyre, humbën jetën gjatë sulmeve izraelite në Gaza gjatë natës, sipas shërbimeve mjekësore palestineze.
Sipas raportimeve të AP, një familje u vra në një sulm ajror ndërsa ndodhej në tendën e saj pranë qytetit jugor të Khan Younis. Trupat e tyre, së bashku me katër viktima të tjera nga dy sulme të ndryshme, u dërguan në Spitalin Nasser.
Ndërkohë, Spitali Al-Aksa në qendër të Gazës raportoi se kishte pranuar gjashtë trupa nga tre sulme të ndryshme, ndërsa në kampin e refugjatëve Nuseirat, Spitali Avda konfirmoi vdekjen e tre personave pas një sulmi në një banesë.
Në një tjetër sulm mbi një ndërtesë banimi në Gaza, pesë persona humbën jetën dhe 12 të tjerë u plagosën, sipas Ministrisë palestineze të Shëndetësisë.
