Gjatë konfliktit 12-ditor midis Iranit dhe Izraelit, në Iran humbën jetën rreth 935 persona, njoftoi sot një zëdhënës i sistemit gjyqësor iranian.
Ndër të vrarët janë edhe 132 gra dhe 38 fëmijë, sipas deklaratës së publikuar nga mediat shtetërore iraniane.
Nga ana tjetër, autoritetet izraelite raportojnë për 28 viktima në Izrael, të shkaktuara nga sulmet hakmarrëse të Iranit gjatë këtij konflikti të shkurtër.
Lufta përfundoi me një armëpushim që hyri në fuqi pak ditë më parë, por pasojat njerëzore mbeten të ndjeshme në të dyja vendet.
