Për vite më rradhë, historikisht terroristët i kanë shfrytëzuar festat e fundvitit për të realizuar sulmet e tyre, që shumicën e rasteve kanë rezultuar të jenë shumë të përgjakshme e me shumë viktima.
Në Francë dy rinjtë të moshës 23-vjeçare janë akuzuar për terrorizëm më 8 dhjetor. Pas arrestimit të tyre u zbulua se kishin planifikuar të kryenin sulme me thika në hapësira publike gjatë kohës së festave të fundvitit, shkruan REL
Shërbimi inteligjent në Francë, arrestoi dy të rinjtë në dy zona të ndryshme në periferi të Parisit. Shërbimi inteligjent pranoi informata për planifikim të sulmeve të mundshme, tha një burim i afërt me rastin, raporton AFP.
Të dy personat u akuzuan për terrorizëm më 3 dhjetor dhe mbetën në paraburgim, tha burimi duke konfirmuar kështu raportimet e para të publikuara në gazetën, Le Parisien. Sipas disa statistikave, vetëm që nga viti 2010 e këtej kanë ndodhur dhjetra sulme terroriste rreth festave të fundvitit që cilësohen si cak i terroristëve për të kryer akte terroriste.
Shumica e sulmeve terroriste që kanë ndodhur e sidomos në Evropë janë marrë përsipër nga shteti islamik (ISIS) dhe strategjia e tyre e sulmeve tani është vërejtur, ata sulmojnë në vende të frekuentuara me shumicë nga njerëzit.
Xhamitë, Kishat, Sheshet, Qendrat Tregtare, Stacionet e Trenave dhe Autobusëve, Klubet e Natës, nga rastet e mëhershme e që janë të frekta kemi vërejtur se dinë të jenë caku i këtyre akteve.
