Dy persona kanë humbur jetën dhe disa të tjerë janë plagosur në një sulm me thikë që ndodhi në një park në qytetin Aschaffenburg të Gjermanisë.
Ngjarja u shënua rreth orës 11:45 me orën lokale.
Sipas raportimeve të mediave gjermane, viktimat janë një fëmijë dhe një i rritur.
Policia ka arrestuar një person në vendngjarje dhe ka konfirmuar se për momentin nuk ka të dyshuar të tjerë.
Hetimet janë duke u zhvilluar, por ende nuk është e qartë motivi i sulmit. Policia ka kërkuar që të shmangen spekulimet dhe ka siguruar publikun se nuk ka rrezik të mëtejshëm për sigurinë.
Një pjesë e madhe e parkut Schöntal është rrethuar për hetime, ndërsa trafiku hekurudhor në zonë është pezulluar përkohësisht.
Për më tepër, autoritetet kanë bërë të ditur se disa pjesë të këtij parku ishin shpallur si “zona të rrezikshme” në muajin nëntor dhe patrullimet në këtë zonë janë të zakonshme.
