Të paktën 14 persona u vranë si pasojë e një sulmi me armë zjarri në Afrikën e Jugut. Ngjarja ka ndodhur në orët e para të mëngjesit të së djelës në qytezën Soueto. Televizioni I mirënjohur BBC ka njoftuar se 9 persona të tjerë kanë marrë plagë të rënda dhe ndodhen në spital në gjëndje të rënduar shëndetsore. Ndërkohë , viktimat besohet të jenë të moshave 19 deri në 35 vjec. Sipas raportimeve të policisë disa persona të pajisur me armë të tipit AK-47 dhe pistolet 9 mm kanë hyrë në lokalin e quajtur East Orlando dhe kanë qëlluar me breshëri ndaj një grupi të rinjsh. Autorët janë larguar me shpejtësi nga vendngjarja me një minibus të bardhë. Autoritetet e Souento kanë hapur hetimet në vendngjarje për zbardhjen e të dhënave të plota të rastit por deri më tani nuk kanë asnjë pistë që të përcaktojë autorët e krimit. Zyrtarët e policisë kanë deklaruar për mediat se të shtënat ishin një sulm gjakftohtë ndaj klientëve të pafajshëm të tavernës ndërsa shkaku I sulmit makabër nuk është zbuluar ende. Një sulm me armë zjarri u regjistrua në Afrikën e Jugut edhe në mbremjen e 9 korrikut, kur në qytetin Pjetermaritzburg u vranë me armë zjarri 4 persona dhe u plagosuën 8 të tjerë. Afrika e Jugut cilësohet si një prej vendeve më të dhunshme në botë, ku të paktën 20 mijë njerëz vriten cdo vit, kjo një nga normat më të larta të vrasjeve për frymë në botë.
Itali, trajneri kërcënon gjyqtaren: Do përfundosh si Ilaria Sula
Vrasja makabre e Ilaria Sulës, studentes shqiptare që u ekzekutua nga i dashuri i saj Mark Antony Samson më 26...
