Pasditen e sotme, Izraeli ka kryer një sulm ajror në periferi të Bejrutit, kryeqytetit të Libanit. Sulmi kishte synim një bastion të Hezbollahut, në të cilin u vra Ibrahim Aqil, kreu i forcave elitare të lëvizjes dhe i kërkuar nga SHBA.
Nga sulmi me dy raketa F-35, janë goditur dy ndërtesa, në të cilën u vranë 3 persona dhe u plagosën 15 të tjerë. Ndërkohë pritet një komunikim zyrtar nga Hezbollahu.
Më herët gjatë ditës së sotme, Hezbollahu lëshoi 150 raketa në drejtim të jugut të Izraelit.
Gjendja e luftës sa vjen e përshkallëzohet dhe fitilat i ndezi sulmi i koordinuar izraelit me anë të shërbimit sekret Mosad, të cilët shpërthyen pajisjet radiomarrëse të disa anëtarëve të Hezbollahut në Liban duke lënë dhjetra të vdekur dhe qindra të plagosur.
