Ish-kandidati i koalicionit Bashkë Fitojmë për Kamzën, njëhohësit edhe kryetari i degës së PD në këtë qytet, Arjan Hoxha ka komentuar sjelljen e kreut të Bashkisë së Kamzës, Rakip Suli, i cili tashmë është nën hetim nga SPAK. Suli po hetohet për korrupsion dhe abuzim me detyrën. Kujtojmë se Hoxha ka hedhur akuza ndaj Sulit dhe qeverisë Rama për manipulim të vullnetit të zgjedhësve dhe blerje votash në zgjedhjet e 14 majit ku ishte kandidat përballë Rakip Sulit.
“14 maji ishte një datë që u tregua se ata drejtorë kanë shpërndarë paratë e korrupsionit të vjedhura nga taksat e shqiptarëve.
Unë dhe një pjesë e PD e kemi denoncuar rast pas rasti. E kemi denoncuar që SPAK, po të merret me Kamzën, ka shumë punë. Ka mjaftueshëm raste se aty janë derdhur para në një masë të jashtëzakonshme. Kemi shkolla te rindërtuara me 7.5 milionë euro.
Po ta vesh re sjelljen e Sulit, shumë drejtorë të Sulit kanë dhënë dorëheqjen. Ai e ka deleguar firmën në mënyrë permanente, por nuk i shpëton përgjegjësisë.
Kemi 32 tendera me flamur të kuq në Kamëz,” tha Hoxha i ftuar në Kafe Shqeto në Syri Tv.
