Pas vendimit të Gjykatës Kushtetuese për të rrëzuar bordin e Ushqimeve që vendoste çmimet tavan në vend, ka reaguar edhe deputeti i Partisë Demokratike Dashnor Sula. Përmes një postim i në faqen e tij në Facebook. Në një reagim në Facebook, deputeti Sula u shpreh se vendimi i Kushtetueses shfuqizoi ligjin i cili çdo ditë fuste duart në xhepat e qytetarëve. Ndërkohë Sula thekson se krahas vendimit për ta shkrirë, tashmë qeveria duhet t’ju kthejë qytetarëve paratë e marra në mënyrë të padrejtë prej tyre.
Postimi i plotë:
Qeveria kapet me ‘presh në dore’ me bordin hajdut.
Më në fund një lajm i mirë për qytetarët shqiptarë. Gjykata Kushtetuese na dha të drejtë ne, grupit Parlamentar të PD dhe rrëzoi Bordin e Vendosjes së Cmimeve. Unë dhe gjithë grupi ynë i opozitës e kemi kundërshtuar qysh prej fillimit ngritjen e një bordi të tillë i cili nuk u erdhi në ndihmë qytetarëve, por grosistëve.
Ndaj së bashku me kolegët e mi vendosëm ta godisnim në Gjykatën Kushtetuese. Sot trupa gjykuese na dha të drejtë dhe shfuqizoi ligjin abuziv që u fuste dorën në xhep qytetarëve cdo ditë duke vendosur cmime në favor të grosistëve.
Tani qeveria duhet tu kthejë paratë e marra në mënyrë të padrejtë me cmimet e vendosura nga bordet qytetarëve.
Ndërkohë inkurajojë Gjykatën Kushtetuese të procedojë me shpejtësi edhe me ankimimin që kam bërë së bashku me kolegët e mi për bordin që vendos cmimin e naftës.
