Në Gjykatën e Apelit të Posaçëm kundër Korrupsionit dhe Krimit të Organizuar u zhvillua këtë të enjte një tjetër seancë për dosjen e njohur si “Plumbi i Artë”, ku dëshmoi bashkëpunëtori i drejtësisë, Erion Alibej.
Alibej akuzohet si drejtues i një grupi kriminal në Elbasan, përgjegjës për porositjen e disa vrasjeve me pagesë, të lidhura me hakmarrje dhe pazare kokaine.
Gjatë dëshmisë, ai tregoi për të kaluarën familjare, aktivitetet kriminale të vëllait të tij, Endrit Alibej, dhe konfliktet me figura të njohura të botës së krimit në Elbasan, përfshirë vëllezërit Franc dhe Hajdar Çopja, si edhe Suel Çelën.
Alibej deklaroi se dikur kishte marrëdhënie miqësore me ta, por ato u përkeqësuan pas vrasjes së vëllait të tij.
Sipas tij, vëllezërit Çopja janë përgjegjës për ekzekutimin e Endrit Alibejt në masakrën e njohur si “ngjarja e Bradasheshit”, ku u vranë gjithashtu Arben Dylgjeri dhe shtetasi turk Erdal Durunay.
“Vij nga një familje ku babai vdiq kur ishim të vegjël. Ishim një familje e respektuar në Elbasan. Vëllai im, Endriti, emigroi fillimisht në Greqi, më pas në Itali dhe më vonë në Hollandë. Nga viti 2006 deri në 2018 është marrë me trafik droge. Unë nuk isha pjesë e aktiviteteve të tij, u mora me familjen dhe kujdesesha për nënën e sëmurë,” deklaroi Alibej.
Ai shtoi se u përfshi në hetimet e autoriteteve italiane gjatë një vizite në vitin 2010: “Shkova për të marrë ilaçe dhe për dy javë qëndrova atje. Ditën e fundit më arrestoi policia italiane, duke më dënuar me 3 vjet e 4 muaj burg, edhe pse nuk kisha lidhje me aktivitetin e grupit.
Pas lirimit në 2012, shkova në Hollandë pas një mesazhi nga vëllai, ku e gjeta me Hajdar Çopjen. Ai më tha se po e ndihmonte Endritin, sepse nuk kishte ende një vend ku të rrinte.”
Pjesë nga diskutimi:
Alibej: Endriti ishte 2 vjet më i madh se une. Neve na la xhaxhai një biznes. Në moshen 16 vjecare vëllai nisi emigrimin. Asnjëherë nuk ka punuar në punë të ligjshme.
Prokurori: Cilat ishin njohjet tuaja të përbashkëta në Shqipëri?
Alibej: Unë, njohje në Elbasan, që jemi rritur, ka qenë Suel Çela. Edhe vëllai kishte shumë, mes të cilëve Hajdar Çopjen. I njihnim familjarisht. Franc Çopja ka qenë fëmijë atëherë.
Prokurori: Çfarë ndodhi më vonë?
Alibej: Në periudhën që Endritit ja kishin nevojën shumë. Endriti ishte një nga ata që kishte njohjet për shpërndarje të brendshme. Kjo pasi linjat e drogës, perveç futjes në BE, ju duhej pikë e fortë për shpërndarjen.
Në periudhën që shkova në Holandë, pashë që Endriti, për ngarkesat në Angli kishte probleme. I kishin kapur disa ngarkesa dhe kishte disa borxhe. Tek baza në Angli kishte probleme. I propozova të shkoja unë në Angli, por nuk pranoi. Unë u ktheva në Shqipëri.
Para se të kthehesha pata një hatërmbetje me Suel Çelën. Kjo edhe për shkak të Arjan Spahiut.
Njëher më thotë Endriti se po vjen tek shtëpia Sokol Sanxhaktari, Sueli dhe një person tjetër.
I thashë, po pse, pasi edhe Sueli kishte pasur një problem me Endritin në Holandë.
Unë i kisha thënë Suelit të mos përplasej me Arjanin. Suelin e quanin minoreni, pasi e ka nisur trafikun e droges ne Itali kur ishte minoren. U arrestua në Itali në 2006 ose 2007.
Unë kam qenë i afërt me familjen Çela. Më konsideronin si djalë të shtëpisë. Në atë periudhë, Klodian Çopja dhe Suel Çela kishin identifikuar bazën e Hajdar Çopjes dhe i vjedhin 2 kg kokainë.
Nga kjo periudhë Hajdar Çopja u prish me Klodianin, që e kishte kushëri të dytë.
Ndërkohë që Suel Çela iahte në arrest shtepie më kërkoi mua që Arjan Spahiu ta ndihmonte për të ikur nga arresti i shtëpisë. Arjani iku nga Spanja dhe e mori në Itali. Më vonë e ndihmoi, por u grindën për një borxh të Suelit për gjysmë kg drogë.
Që atëherë, kur u përleshën me duar, unë vendosa të mos i flisja asnjërit prej tyre.
Gjatë periudhës që nuk i flisja, Sueli me erdhi tek shtëpia me Sokol Sanxhaktarit dhe një djalë tjetër.
