Edhe pse në një situatë të vështirë dhe me kushte të rënda atmosferike, policia ka arritur që të shmangë ndoshta një tragjedi si e ajo e 9 janarit shumë vite më parë.
Policia ka arritur që ndalojë dhe të kapë 50 emigrantë sirianë, mes të cilëve gra dhe fëmijë në një gomone në grykëderdhjen e lumit Vjosë, gati për t’u nisur për në Itali.
Pavarësisht kushteve mjaft të vështira atmosferike dhe me një det mbi 5 ballë, gomonia ishte gati për t’u nisur për në Itali.
Roja Bregdetare e Forcës Detare, Policia e Shtetit dhe Guardia di Finanza arritën që të parandalojnë nisjen e gomones. Mediat kanë raportuar se policia e Vlorës ka pasur në përgjim grupin e strukturuar kriminal që do të dërgonte emigrantët në Itali duke i bllokuar në momentin e fundit.
Pas kapjes nga policia, emigrantët pasi u ndaluan u dërguan në drejtim të Vlorë. Ndërkohë që strukturat hetimore të Drejtorisë Vendore të Policisë Vlorë dhe ato të Policisë Kufitare, nën drejtimin e Prokurorisë po vijojnë veprimet për zbardhjen e plotë të kësaj tentative për kontrabandim te emigranteve në rruge detare dhe vënien para drejtësisë të personave përgjegjës.
Kujtojmë se trafikantët e emigrantëve të paligjshme, ende vazhdojnë aktivitetin e tyre, sidomos gjatë periudhave të fatkeqësive natyrore apo edhe mosvëmëndjes së duhur nga autoritetet./Gazetareforma.com/
