Një studim i fundit ka bërë me dije se dy doza të vaksinës Pfizer ose AstraZeneca kundër COVID-19, janë gati po aq efektive kundër variantit shumë të transmetueshëm “Delta”, krahasuar me efektet kundër variantit më parë dominues “Alpha”.
“The News England Journal of Medicine” shkruan se vaksinat ishin shumë efektive kundër variantit “Delta”, tani varianti dominues në të gjithë botën, por me një kusht, që një person të kishte marrë të dy dozat.
Ndër të tjera, thuhet se ky është një studim i bazuar në të dhënat e fundit nga Shëndeti Publik i Anglisë (PHE) rreth efikasitetit të vaksinave kundër COVID-19 të bëra nga Pfizer-BioNTech dhe Oxford-AstraZeneca.
Të dhënat e analizuara treguan se Pfizer ishte 88% efektive në parandalimin e sëmundjes simptomatike nga varianti Delta me të dyja dozat, krahasuar me 93.7% kundrejt variantit Alpha, gjerësisht e njëjtë me atë të raportuar më parë.
Ndërsa dy doza të vaksinës AstraZeneca, ishin 67% efektive kundër variantit Delta, nga 60% e raportuar fillimisht, dhe 74.5% e efektshme kundër variantit Alpha, krahasuar me një vlerësim origjinal të efektivitetit prej 66%.
“Vetëm ndryshimet modeste në efektivitetin e vaksinës u vunë re me variantin “Delta”, krahasuar me variantin Alpha pas marrjes së dy dozave të vaksinës”, shkruajnë studiuesit e Shëndetit Publik në Angli.
