Aktiviteti fizik është i mirë kur zhvillohet në kohën e lirë të një personi, sipas një studimi të ri të kryer në Danimarkë me shkencëtarët që thonë se kur bëhet në kuadër punës së njerëzve, kjo rëndon në shëndetin e tyre.
Studiuesit, të udhëhequr nga Profesor Andreas Holtemann i Qendrës Kombëtare për Kërkimin e Mjedisit të Punës në Kopenhagë, botuar në “European Heart Journal’s”, analizuan të dhënat për rreth 104,000 njerëz të moshës 20, deri 100 vjeç gjatë një dekade. Gjatë së cilës kishte pothuajse 10,000 vdekje (10%) nga ndonjë shkak dhe pothuajse 8,000 ngjarje kardiovaskulare (8%) siç janë sulmet në zemër dhe goditjet në tru.
Studimi lidhi vdekjet dhe rreziqet kardiovaskulare me nivelet e aktivitetit fizik të pjesëmarrësve si në punë ashtu edhe në kohën e tyre të lirë. U zbulua se krahasuar me ata që kishin aktivitet fizik minimal në kohën e tyre të lirë, ata që kishin aktivitet të moderuar, të lartë ose shumë të lartë kishin përkatësisht 26%, 41% dhe 40% të zvogëluar të rrezikut të vdekjes së parakohshme.
Në të kundërt, në rastin e aktivitetit fizik në punë, krahasuar me ata me lëvizshmëri minimale, ata me aktivitet të lartë dhe shumë të lartë fizik kishin një rrezik 13% dhe 27% më të lartë të vdekjes, përkatësisht. Me fjalë të tjera, ndërsa aktiviteti fizik i çdo lloji në kohën e lirë (jo vetëm ushtrimi ose ushtrimi në përgjithësi) përfiton, në punë ai më tepër “vret”.
Në mënyrë të ngjashme, në lidhje me rreziqet kardiovaskulare (fatale dhe jo-fatale), aktiviteti i kohës së lirë të moderuar shoqërohet me një rrezik të reduktuar përkatësisht prej 14%, 23% dhe 15%, ndërsa në rast aktiviteti i lartë shoqërohet me një rritje të rrezikut kardiovaskular përkatësisht 15% dhe 35%.
