Pedagogu nderit, siamiologu dhe Drejtori i Katedrës në fakultetin e Gjeologjisë, Neotektonikës dhe Paleontoligjisë në Universitetin e Selanikut, Spiros Pavlidis, është shprehur se shkencëtarët grekë, italianë dhe shqiptarë kanë bërë studime sizmiologjike që në vitet ’80.
Në një intervistë me gazetaren Ira Londo, profesori tha se nuk e di nëse autoritetet shqiptare i morën në dorë këto studime, raporton “News24”.
Ai dyshon se masat e Shqipërisë janë të bazuara në rregullon e vitit 1959 të Greqisë, e cila ka ndryshuar shumë.
Pavlidis sugjeron që masat antisizmike të bëhen ligje, siç ka ndodhur në vendin e tij.
“ Në fakt ishte tërmeti kryesor, një fenomen i plotë. Por atëherë duhej bërë një studim më i hollësishëm dhe ju keni specialistë aq të mirë dhe rrjet shumë të mirë sizmik në Shqipëri. Plus që tani ka rrjet ballkanik e europian për tërmetet. Duhej, atëherë, të bëhej menjëherë një studim i hollësishëm ku të veçoheshin lëkundjet passizmike të tërmetit kryesor të 21 shtatorit nga lëkundjet parasizmike të tërmetit shkatërrues të 26 nëntorit. Shërbimi gjeologjik amerikan e ka bërë këtë studim, ka veçuar lëkundjet që ndoqën një fenomen dhe paralajmëronin ardhjen e tjetrit. Parlamenti grek i atëhershëm vendosi të përditësohet kjo rregullore çdo 5 vjet me të gjitha të dhënat gjeologjike, sizmologjike e mekanike nga ndërtimet. Këto të dhëna në vijim transmetohen tek inxhinierët e ndërtimit, me udhëzimet përkatëse se si duhet ndërtuar në çdo zona, me kritete të caktuara e të ndryshme. Në vitin 1995 u votua në parlamentin grek si ligj shteti, pas tërmetit në Kozanë-Grevena. Për pyetjen tuaj se si u perceptuan njohuritë shkencore në Shqipëri dhe si reaguan autoritetet shqiptare, apo shërbimet kopetente që të marrin masa të ngjashme, rregullore të tilla, këtë nuk e di”, thotë profesori.
Profesroi grek vijon më tej duke thënë se nëse Shqipëria do të kishte adoptuar një rregullore të ngjashme me të Greqisë, dëmet do të ishin më të vogla.
“Objektivi i rregullores antisizmike dhe e studimeve të zonave mikrosizmike, është të kemi minimalizim të dëmeve. Është thuajse e pamundur të eliminohen dëmet pasi atëherë do të kishim ndërtesa jo-ekonomike. Por mund të minimizojmë të kemi dëme sa më të vogla, që ndërtesat të mos bien, të mos shkatërrohen, të mos ketë viktima e të lënduar, dëmet të jenë të riparueshme”, vijon profesori.
Pavlidis thekson se Shqipëria është një zonë me aktivitet të ngjeshur sizmik.
Ai ka bërë thirrje që organet kompetente të marrin masa dhe të krijojnë sistemi mbrojtëse.
“Unë e dua shumë popullin shqiptar dhe jam i bindur që do e tejkalojë këtë situatë. Por duhen masa e reagim, shkencëtarët tuaj e pastaj pushteti lokal. Mos prisni nga politikanët vetëm, bazohuni tek fuqitë tuaja, mos e lini të harrohet. Shërbimet kopetente të marrin masa mbrojtëse, të krijojnë sisteme mbrojtëse të posaçme. Por kurrë mos harroni!”.
