Studentët janë takuar me Kryetaren e Komitetit Teknik të Ekspertëve, Mira Rakacolli të cilës i kanë kërkuar rikthimin në auditor.
Aktualisht të dyja palët janë ende në diskutim me njëra-tjetrën, duke mos pasur një reagim se çfarë është vendosur,
Ditën e djeshme Komiteti doli në përfundimin që nuk do të ketë një rikthim në auditor, për shkak të frikës për një valë të re virusi.
Studentët e Universitetit të Tiranës kërkojnë hapjen e auditorëve, minimalisht për një pjesë të mësimit.
Diskutimi po zgjat mes tyre, ndërkohë që studentët kanë firmosur një peticion me rreth 8 mijë firma për kërkesën e tyre.
Peticioni drejtuar kryeministrit dhe ministrisë së Arsimit, studentët kërkon që, të paktën seminarët, praktikat dhe punët laboratorike të bëhen në universitete, pasi virtualisht është e pamundur që të zhvillohen.
Kërkesa e studentëve bazohet në një sondazh online në portalin “Studentët Denoncojnë”, ku mbi 80 për qind kanë kërkuar që auditorët të hapen dhe mësimi të zhvillohen në respektim të masave të udhëzuara nga Ministria e Shëndetësisë.
Ndryshe nga shkollat fillore dhe të mesme, universitetet vijojnë të jenë të mbyllura dhe studentët tashmë prej muajsh janë në mësim ‘online’ teksa ende nuk dihet se kur do të rikthehen në auditore për vazhdimin fizikisht të leksioneve.
