Ngujimi i studentëve nëpër fakultetet përkatëse vazhdon, njësoj siç vazhdojnë edhe thirrjet e tyre ndaj qeverisë dhe Ministrisë së Arsimit për të plotësuar kërkesat që kanë.
Të ndodhur para kushteve shumë të vështira dhe zërit që gjithmonë po mundohen ta ulin, disa prej tyre janë mbledhur për të shqyrtuar një ide të rëndësishme, krijimin e një partie.
Pjesë e diskutimit kanë qenë jo vetëm studentë, por edhe pjesëmarrës nga emigrantët, të cilët në fund kanë vendosur marrjen e një nisme të tillë.
Sipas Fax News dhe njoftimit të ardhur pranë kësaj resaksie, partia do të quhet “Shpresë për Shqipërinë” dhe organizimi i saj do të bëhet në mënyrë të tillë që nuk do të drejtohet nga një kryetar, por një “Këshill Kombëtar Koordinatorësh.”
Njoftimi:
Përshëndetje. Disa studentë, me mbështetjen e emigrantëve dhe intelektualëve kanë marrë nismën për të themeluar një Parti të re Politike. Partia do të quhet “Shpresë për Shqipërinë”. Kjo parti nuk do të ketë një kryetar, por një Këshill Kombëtar Koordinatorësh. Kjo parti është një parti e frymëzuar nga studentët, e iniciuar nga disa prej tyre, por që synon të ngjallë shpresën e shqiptarëve dhe të marrim frenat e vendit në dorë. Nisma jonë synon të hedhë poshtë këtë klasë politike dhe ti japë fund njëherë e përgjithmonë tranzicionit pafund. Ne kërkojmë që ti kthejmë shpresën shqiptarëve, të ngjallim dëshirën dhe ëndrrën që një ditë ky vend do bëhet. Kërkojmë nga ju, që brenda mundësive të shpalosim platformën tonë në median tuaj.
Ju falenderojmë!
