Në ditën e tyre të 9-të të protestës, studentët janë mbledhur duke protestuar përpara Kuvendit dhe akoma presin plotësimin e kërkesave të tyre. Studentët shprehen se siҫ ka vijuar bojkotimi i mësimit deri tani, ashtu do vijojë akoma derisa të plotësohen kërkesat që ata i kanë drejtuar qeverisë.
Ata thonë që e vetmja gjë që presin është një komunikim nga Rama që kërkesat do plotësohen pasi sipas tyre cdo gjë që duan është e qartë dhe nuk ka nevojë për dialog.
“Ne i kemi kërkesat shumë të qarta, i kemi thënë të gjitha, presim një komunikim nga kryeministri Edi Rama.”- shprehen studentët.
Nga ana tjetër ministrja Lindita Nikolla tha se është e gatshme të marrë çdo përgjegjësi.
“Lindita Nikolla, dil në Bulevard dhe shkolla është e jona”. Po të dashur student, ndaj i mbyllëm shumë kioska.Unë dalë në Bulevard me peshën institucionale. Faleminderit kolegë për mbështetjen dhe kurajon, për reformën sistematike. E vërteta dhe puna ka qenë aleati më i mirë, për t’ju kundërvënë një turravrapi. Ata kanë të drejte, por për të fituar një bejte është drejt tyre. Unë, e gatshme për të marrë çdo përgjegjësi.” u shpreh Nikolla nga Kuvendi.
