Këtë të diel mijëra studentë të një nga universiteteve më prestigjioze të Rusisë kanë sfiduar Presidentin e tyre pasi kanë dalë kundër luftës që Rusia po zhvillon në Ukrainë. Ata kanë kërkaur që mësimi të rikthehet online dhe kështu ata mund të kenë mundësi që të kryejnë studimet nga jashtë Rusisë. Kjo bëhet për t ju shmangur kërkesave të qëeverisë ruse e cila i fton shtetasit e saj të bashkohen për të luftuar në konfliktin me Ukrainën.
Bëhet fjalë për rreth 3,100 studentë të Universitetit Kombëtar të Kërkimeve në Moskë që kanë kërcënuar se do të largohen nëse kërkesa e tyre refuzohet, sipas raporteve.
Kërcënimi i tyre i duket se nuk iu ka pëlqyer atyre që janë pro luftës, por veprimi i tyre nxjerr në pah një votë shkatërruese mosbesimi ndaj Putinit nga disa prej studentëve më të ndritur të Rusisë.
Është i vetmi universitet në Rusi i renditur në 100 më të mirët e renditjes së universiteteve të reja të The Times Higher Education.
“Më shumë se 3000 studentë me mendje opozitare të Shkollës së Lartë të Ekonomisë bashkëpunuan për të shantazhuar administratën e universitetit për futjen e mësimit në distancë,” tha kanali pro-Kremlin Readovka.
Kanali pretendonte se studentët i shohin politikat e Putinit si ‘të kundërshtueshme’ dhe kishin kërcënuar me ‘dorëheqje masive’ nga kurset e tyre elitare nëse do t’u ndalohej të mësonin në internet nga jashtë.
Qindra mijëra burra të moshës ushtarake janë larguar tashmë nga Rusia ndërsa mobilizimi i detyruar i Putinit po fillon, ndërsa shumë të tjerë ende kërkojnë të largohen.
