Zëvendësdrejtori i Përgjithshëm i Hetimit Tatimor, Ervin Hoxha është shkarkuar nga detyra. Shkarkimi i tij vjen pas tre javësh aksioni ndaj informalitetit.
Ministrja Anila Denar ka firmosur shkarkimin e tij, me urdhër të kryeministrit Edi Rama.
Ditën e djeshme kryeministri reagoi lidhur me lajmin se disa inspektorë tatimorë në qytetin e Durrësit kishin abuzuar me detyrën, duke marrë ryshfet e duke i plotësuar raportet në një kafene.
Falë aplikacionit “Stop Informalitetit”, qytetarët janë ata që zbuluan rastin, por jo vetëm. Shumë raste abuzimesh denoncohen në ditë nga qytetarët.
Në vitin 2017, Ervin Hoxha, ka mbajtur postin e drejtorit në Drejtorinë e Hetimit Tatimor në Tiranë. Ai u dorëhoq nga ky post, pas arrestimit të tre inspektorëve në këtë drejtori.
Tre inspektorët kishin shkuar për kontroll në një biznes në Spille, dhe i morën administratores një shumë prej 40 mijë lekësh.
Edhe para dy vitesh denoncimi u bë nga vetë biznesi privat, i cili i shkruajti drejpërdrejt kryeministrit Edi Rama.
